എന്നാല്‍, മാധ്യമങ്ങള്‍ പുറത്തുവിട്ടതുപോലെ കല്യാണത്തിന്റെ തലേന്നല്ല, വിവാഹത്തിനുശേഷമാണ് വീട് സന്ദര്‍ശിച്ചത്. തന്റെ മണ്ഡലത്തിനു സമീപമുള്ള പ്രദേശത്താണ് അന്ത്യേരി സുരയുടെ വീട്. മണ്ഡലത്തില്‍ സന്ദര്‍ശനം നടത്തിയപ്പോള്‍ കല്യാണവീടുണ്ടെന്നറിഞ്ഞ് സ്വാഭാവികമായും അവിടെയും പോയി. അല്ലാതെ അത്തരം സന്ദര്‍ഭങ്ങളില്‍ ചെന്ന് ആരെങ്കിലും ഗൂഢാലോചന നടത്തുമോയെന്നും കോടിയേരി ചോദിച്ചു. ടി.പി. ചന്ദ്രശേഖരന്റെ കൊലപാതകവുമായി ബന്ധപ്പെട്ട് അന്ത്യേരി സുരയുടെ വീട്ടില്‍ ഗൂഢാലോചന നടന്നുവെന്ന് ആരോപണമുണ്ട്.
ചന്ദ്രശേഖരന് ആദരാഞ്ജലി അര്‍പ്പിക്കാന്‍ വി.എസ്. അച്യുതാനന്ദന്‍ എത്തിയതിനെക്കുറിച്ച് ചോദിച്ചപ്പോള്‍ വി.എസ്. പോയത് നന്നായെന്നാണ് പാര്‍ട്ടിയുടെ വിലയിരുത്തലെന്ന് കോടിയേരി പറഞ്ഞു. പ്രദീപ്കുമാര്‍ എം.എല്‍.എ. ആദരാഞ്ജലികള്‍ അര്‍പ്പിച്ചത് സംസ്ഥാന കമ്മിറ്റിയുടെ സമ്മതം വാങ്ങിയാണ്. ആര്‍.എം.പി.ക്കാരുടെ വിലക്കിനെത്തുടര്‍ന്നാണ് താനും പിണറായി വിജയനും ടി.പി.യുടെ വീട്ടില്‍ പോകാതിരുന്നതെന്നും കോടിയേരി പറഞ്ഞു. വി.എസ്സിന്റെ വിവാദപ്രസ്താവന ഉള്‍പ്പെടെയുള്ള കാര്യങ്ങള്‍ പൊളിറ്റ്ബ്യൂറോ ചര്‍ച്ചചെയ്യുമെന്നും കോടിയേരി വ്യക്തമാക്കി
No comments:
Post a Comment