നമ്മുടെ മാധ്യമങ്ങള്‍ വാര്‍ത്തകളെ എങ്ങിനെ കാണുന്നു, ഓരോരുത്തരുടെയും കാഴ്ചപ്പാടുകള്‍ അവരവരുടെ വരികളില്‍ ..... പ്രാദേശികം ...

Monday, May 21, 2012

വി .എസ് ന്റ്റെകത്ത്കിട്ടിഎന്ന് കാരാട്ട്




കായംകുളം: പാര്‍ട്ടി കേന്ദ്രനേതൃത്വത്തിന് കത്തയച്ചിട്ടുണ്ടെന്ന് വി.എസ്.അച്യുതാനന്ദന്റെ സ്ഥിരീകരണം. കായംകുളത്ത് ഒരു പൊതുപരിപാടിക്കിടെ മാധ്യമപ്രവര്‍ത്തകരെ കണ്ടപ്പോഴാണ് വി.എസിന്റെ പ്രതികരണം പുറത്തുവന്നത്. ''താന്‍ കേന്ദ്രനേതൃത്വത്തിന് കത്തയച്ചിട്ടുണ്ട്. ആ കത്തിലെ കാര്യങ്ങളെക്കുറിച്ചൊന്നും നിങ്ങളോട് പങ്കുവെക്കാന്‍ ഉദ്ദേശിക്കുന്നില്ല''-എന്നായിരുന്നു വി.എസിന്റെ പ്രതികരണം. പാര്‍ട്ടി സംസ്ഥാന നേതൃത്വത്തെ പ്രതിക്കൂട്ടില്‍ നിര്‍ത്തുന്നതാണ് വി.എസിന്റെ കത്തെന്ന് റിപ്പോര്‍ട്ടുണ്ടായിരുന്നു.

അതേസമയം ഇക്കാര്യത്തില്‍ സ്ഥിരീകരണത്തിന് നേതാക്കള്‍ ആരും തയ്യാറാകാത്തതിനാല്‍ ഇക്കാര്യം നെയ്യാറ്റിന്‍കര തിരഞ്ഞെടുപ്പ് മുന്നില്‍കണ്ടുള്ള പ്രചാരണമാണെന്നായിരുന്നു സംസ്ഥാന സെക്രട്ടറി പിണറായി വിജയന്റെ പ്രതികരണം. കേന്ദ്രനേതാക്കളും ഇക്കാര്യം മാധ്യമസൃഷ്ടിയാണെന്നാണ് പ്രതികരിച്ചത്.

എന്നാല്‍ വി.എസിന്റെ സ്ഥിരീകരണം പുറത്തുവന്നതോടെ വരുംദിവസങ്ങള്‍ സി.പി.എം. രാഷ്ട്രീയത്തെ കൂടുതല്‍ കലുഷിതമാക്കുമെന്നുറപ്പായി. സംസ്ഥാന നേതൃത്വം ഉടച്ചുവാര്‍ക്കണമെന്നത് ഉള്‍പ്പെടെയുള്ള കാര്യങ്ങളാണ് വി.എസ്. കത്തില്‍ ഉന്നയിച്ചിരിക്കുന്നത് എന്നാണ് റിപ്പോര്‍ട്ടുകള്‍. അതേസമയം കത്ത് ലഭിച്ചുവെന്ന പ്രതികരണം കാരാട്ടിന്റേതായി ഇപ്പോള്‍ പുറത്തുവന്നിട്ടുണ്ട്. വാര്‍ത്താക്കുറിപ്പിലൂടെയാണ് സി.പി.എം. ജനറല്‍ സെക്രട്ടറിയുടെ പ്രതികരണം പുറത്തുവന്നിരിക്കുന്നത്.

No comments:

Post a Comment