കൂത്തുപറമ്പ്: ടി.പി ചന്ദ്രശേഖരന് വധവുമായി ബന്ധപ്പെട്ട് കസ്റ്റഡിയിലെടുത്ത സി.പി.എം. കൂത്തുപറമ്പ് ഏരിയാ കമ്മിറ്റി ഓഫീസ് സെക്രട്ടറി സി.ബാബുവിനെ വിട്ടയക്കണമെന്നാവശ്യപ്പെട്ട് കൂത്തുപറമ്പില് സി.പി.എം പ്രവര്ത്തകര് പ്രതിഷേധ പ്രകടനം നടത്തി. ജില്ലാ നേതാക്കളുടെ നേതൃത്വത്തില് പ്രകടനമായെത്തിയവര് കൂത്തുപറമ്പ് സര്ക്കിള് ഇന്സ്പെക്ടറുടെ ഓഫീസ് ഉപരോധിക്കുകയും ചെയ്തു. തുടര്ന്ന് ഇതേ ആവശ്യവുമായി സി.പി.എം നേതാവ് എം.വി ജയരാജന് വടകര ക്രൈം ഡിറ്റാച്ച്മെന്റ് ഓഫീസിലെത്തി അന്വേഷണ ഉദ്യോഗസ്ഥരുമായി ചര്ച്ച നടത്തി. ബാബുവിനെ വിട്ടയക്കാമെന്ന് പോലീസ് ഉറപ്പു നല്കിയതായി അദ്ദേഹം അറിയിച്ചു.
കൊല നടത്തിയ ഗുണ്ടാസംഘാംഗങ്ങളെ പാര്ട്ടി കൂത്തുപറമ്പ് ഓഫീസിലെത്തിച്ചതായി കഴിഞ്ഞ ദിവസം അറസ്റ്റിലായ പ്രതികളിലൊരാള് മൊഴി നല്കിയിരുന്നു. ഇതുമായി ബന്ധപ്പെട്ടാണ് ഓഫീസ് സെക്രട്ടറിയെ കസ്റ്റഡിയിലെടുത്തത്.
കൊല നടത്തിയ ഗുണ്ടാസംഘാംഗങ്ങളെ പാര്ട്ടി കൂത്തുപറമ്പ് ഓഫീസിലെത്തിച്ചതായി കഴിഞ്ഞ ദിവസം അറസ്റ്റിലായ പ്രതികളിലൊരാള് മൊഴി നല്കിയിരുന്നു. ഇതുമായി ബന്ധപ്പെട്ടാണ് ഓഫീസ് സെക്രട്ടറിയെ കസ്റ്റഡിയിലെടുത്തത്.
No comments:
Post a Comment